Wasiirka Maaliyadda S/land Oo Soo Go'aan U Gudbiyey Xisaabiayaha Guud
Hargeysa(TVSLE)- Wasiirka Wasaaradda Maaliyadda Somaliland Cabdicasiis Maxamed Samaale, ayaa soo saaray Digreeto uu ku Amrayo wasaaradaha iyo Hay’adaha Dawladda inay Xisaabiyaha Guud ee Qaranka u gudbiyaan kharashaadka daruuriga ah ee ay ka mid yihiin Mushaharooyinka iyo Gunada Hawl-wadeenada Qaranka, Raashinka Ciidamadda, Jeelasha, Cisbitaalada iyo Shiidaalkaba laga bilaabo 20-ka Bil kasta si uu isna Baanka Dhexe ugu gudbiyo ugu danbayn Bil kasta 25-keeda. Digreetada Wasiira Maaliyaddu oo ku socotay Dhamaan Wasaaradaha iyo Hay’adaha Dalku waxay u qornayd:- “Ujeedo: Wakhtiga Bixinta Kharashaadka Daruuriga ah:- Waxa jira kharashaad daruuri u ah hawl socodsiinta Qaranka, kuwaas oo u baahan in waqtiga ugu horeeya ay baxaan, kharashaadkaasna wax aka mid ah:- Mushaharka iyo Gunadda Hawl wadeenada Qaranka. Raashinka Ciidamadda, Jeelasha iyo Cisbitaalada. Shiidaalka. Sidaas awgeed, waxa madaxda Wasaaradaha iyo Hay’addaha Dawladda ee ay warqadu ku socoto lagu wargelinyaa in kharashyada kor ku qoran u soo gudbiyaan Xafiiska Xisaabiyaha Guud ugu dambayn 20-ka bil walba, sidoo kale Xisaabiyaha Guud ee warqadani ku socoto isna waxaa lagu wargelinyaa inuu kharashyada kor ku xusan Baanka u gudbiyo ugu dambayn 25 ka bil kasta.” TVSLE