| news |
| all videos |
 |
| Contact us |
Links
Tv-SLeurope Films
East-African TV
Hadhwanaag News
Radio Somaliland
SomalilandNet
Harowo
Waaheen
Qaran-News
Geeska
Borama News
Shabelle
Bederwanaag
Uhubso.Com
Togdheer News
SDWO.Com
Hargeysa-online
Somaliland.Org
Allpuntland
Berbera News
Oodweynenews.com
Ramaas-news
SomalilandPatriots
BBC UK Somali
Ladaneey
S-Landembassy.se
Hormoodnews
Somaliland.se
Voa News Somali News
Radio-hormuud
Calanka
Dalxiis.com
Gabiley.net
somalilandPower
Newspapers
Arabnews
Eastandard
Haatuf News
The Somaliland Times
Jamhuuriya
Fan Iyo Sugaan
Aftahan
Somalitube
Hoygasuuganta
Saturday, 30 June 2012 |
 Bandhigga Buugaagta Caalamiga ah ee Hargeysa Oo La Shaaciyey Waqiga La
|
|
Bandhigga Buugaagta Caalamiga ah ee Hargeysa (HIBF) oo ka mid ah munaasibadaha halabuurka iyo farshaxanka ee ugu ballaadhan geeska Afrika waxay sanadkan bilaabmi doontaa 13-ka July 2012. Bandhigga Buugaagta Caalamiga ah ee Hargeysa oo sannadkan shan jirsatay waxa doorkan ka qayb-galaya hal-abuurro, abwaanno, qoraayo, suxufiyiin, muusigyahan iyo aqoonyahan kale oo isaga yimi dunida daafeheeda. Waxa kale oo ka qayb gali doonaa intaas dhigaalkooda oo waddanka gudihiisa ku nool. HILLAADINTA MUSTAQBALKA: Afartii sanno ee la soo dhaafay Bandhigga buugaagta caalamiga ah ee Hargeysa (HIBF) waxa lagu soo bandhigay doodo, falanqayn, riwaayado iyo suugaan kale oo la xidhiidha mawduucyo kala duwan, kuwaas oo ay ka mid ahaayeen, muwaadinimada, faaf-reebka iyo sidoo kale mawduuc aad u xiiso badnaa oo loo bixiyay xusuus-wadareed. Hase ahaatee, sanadkan waxa bandhiggu diiradda saarayaa mawduuc ka duwan kuwaa hore, kaas oo loogu wan-qalay magaca ‘Hillaadi mustaqbalka”. Ka hor dhallinyarada Somaliland ee aan helin fursado ku filan oo ay kaga qaybgalaan isbedellada siyaasadda, dood-wadaagga iyo la-kulanka dadyow kala fikir, aqoon iyo khibradba duwan ay u helaan fagaare ay kula kulmaan, codkoodana kor ugu qaadaan, gaar ahaan dhinacyada waddanniyada iyo masuuliyad-wadaagga iyo horumarka bulshadaba. Mawduuca sanadkan ee ‘Hillaadi mustaqbalka’ ayaa ujeeddadiisu tahay in ay dhalinyarada iyo dhammaan qaybaha bulshadu ay hillaadinta mustaqbalka kala qayb-galaan dadyow kala da’ ah, kala aqoon ah, oo kala aragti duwanni, si ay uga doodaan siduu mustaqbalkoodu u eekaannayo timaaddada. HIBF waxa uu ururrada bulshada u noqonayaa madal ay ku wadaaggaan fikir-isdhaafsi furfuran iyo doodo ku saabsan doorka sayniska, ganacsiga, maalgashiga, horumarka iyo dalxiiska Somaliland. Barmaamijka HIBF Waxaa uu feejignaan gaar ah siin doonaa xaaladda maanta deegaankeenu uu marayo iyo sida uu isbeddelka cimiladu mustaqbalka innoo saamayn dono. Buugaagta carwada lagu soo bandhigi doono waa kuwo tiro badan, waxaana ka mid ah taxanayaasha Curisyo, Isweydaarsi (oo ka kooban buugaag caalami ah oo Af- Soomaali lagu soo turjumay) iyo buugaag kala duwan oo caalami iyo maxalliba isugu jira. Waxa weheliya dood- cilmiyeedyo iyo falanqayn toos ah iyo mid dadban intaba oo dadweynaha fursad u siin doona in ay la kulmaan dhammaan dadka aynu kor ku soo sheegnay ee heer caalami iyo kuwo heer maxalli intaba ah. Evan Christopher oo deggan New Orleans, cariga Maraykan caanna ku ah muusiga nooca aynu u naqaanno foodhida, boqorkii cuudka Xudeydi iyo Faysal Cumar Mushteeg oo ka mid ahaa foollaadkii muusigga qaraamka ee Soomaalida, ayaa iyana munaasibad wadaag ah ku soo bandhigi doona dananka muusigga iyo codad loxdan oo wada socda. Bandhigga buugaagta caalamiga ah ee Hargeysa waxay soo dhawaynaysaa, una taagan tahay in dhalinyaradu door firfircoon ka qaataan tartanka Sheeko iyo Shaahid ee hab-qorista sheekooyinka gaagaaban, tababarka kooban ee hab-qorist sheekooyinka iyo dhammaan qaybaha kala duwan ee uu bandhiggu ka kooban yahay, iyada oo ay gacan ka geysanayaan naadiyada akhriska ee dalku. Sidoo kale, waxa bandhiggu fursad siin doonaa in dhalinyaradu ay soo bandhigto halabuurkooda iyo hibadooda maskaxeed. Muddada uu socdo bandhigga buugaagta caalamiga ah ee Hargeysa waxa lagu soo bandhigi qaybo kala duwan oo xiiso badan oo ay ka mid yihiin, daah-furka buugaag cusub, riwaayado, gabayo, suugaan, dood-cilmiyeedyo iyo madadaallo kale oo sal ballaadhan. Waxaana la soo gebo-gebayn doonaa 18-ka July 2012. Si aad u hesho faahfaahin dheeraad ah iyo hab-socodka bandhigga sanadkan, booqo website-ka bandhigga oo ah www.hargeysabookfair.com ama ka seeska dhaqanka iyo suugaanta ee Redsea Online: www.redsea-online.com. Faahfaahinta intaa dheer iyo wixii su’aalo ah la xidhiidh telefoonnada 4099088 (Telesom) 9203995 (Somtel) & Email: hibf@hargeysabookfair.com Buugaag Geeddi ah: Maktabadda wareegta 2012 waa socdaalka dhiganaha qoran ee magaalooyinka Maktabadda wareegtaa waa qayb ka mid ah bandhigga buugaagta caalamiga ah ee Hargeysa. Waa hab ka duwan habab inta badan laga yaqaanay dalka, kuna cusub saaxadda buug-akhriska ee Somaliland. Maktabadda wareegtaa waa nidaam ay kooxo kala duwani ay buugaag tiro badan ku geynayaan magaalooyinka waawayn ee dalka, si ay fursad wax-akhris u siiyaan dadka aan inta badan helin fursad tan la mid ah, gaar ahaan dhalinyarada. Maktabadda wareegtaa waa hab lagu doonayo in dadweyne tiro badan lagu gaadhsiiyo buugaag kala duwan, iyada oo ay gacan ka geysanayaan naadiyada akhriska ee gobolladu. Nidaamka maktabadda wareegtaa waxay dhiirigelinaysaa in la helo dad tiro badan oo hela akhris kala duwan iyo in ay helaan maktabado u suurtogeliya akhrinta buugaag badan. Maktabadda wareegta waxa ay hirgelinaysaa rabitaanka dadka ee ah inay wax bartaan, isla markaana ka qaybgalaan nidaamka akhriska. Waxaana ka qayb-galay sanadkii hore kumannaan qof oo aad u soo dhaweeyey buugaagtii kala duwanaa ee magaalooyinka la geeyay, iyaga oo ka qayb-galay dood-cilmiyeedyo iyo kulamo kala duwan. Sanadkii hore ayay dawladaha hoose ee magaalooyinka waawayni ay ballan-qaadeen in magaalo kasta ay u sameeyaan maktabado wax-akhris, si ay dadweynaha oo ay ugu horreeyaan dhalinyaradu u helaan goobo ay wax ku akhristaan. Iyada oo taas laga duulayo ayaa sagaal magaalo oo ka mid ah kuwa maktabadda wareegtaa ay sanadkii hore booqashada lagu geeyay ay ballankaas ka soo baxeen oo ay dhul iyo dhisme loogu talo-galay in laga dhigo maktabad wax-akhris ay hirgeliyeen. Sanadkan waxa maktabadda wareegtaa ay ka bilaabmi doontaa magaalada Boorame ee gobolka Awdal 02 July 2012 waxaanay socon doontaa ilaa magaalada Ceerigaabo ee gobolka Sanaag iyadoo isaga gudbaysa magaalooyin kale oo ka mid ah xarun-gobolleedada Somaliland. Marka maktabadda wareegta ay ka qabsoonto magaalooyinka waawayn ee dalka, waxa dhiganaha qoran ee wareegaa uu ku soo af-meermi doonaa magaalada Hargeysa, halkaas oo ay naadiyada akhriska iyo kooxaha kale ee hagayaa ay isugu tegi doonaan, si ay muddada uu bandhiggu socdo ay ugu soo bandhigaan natiijada wax-qabadkoodii sanadkii tegay. Sidoo kale, inta lagu gudo-jiro bandhigga buugaagta caalamiga ah ee Hargeysa, waxa la soo bandhigi doonaa filim gaaban oo laga duubay maktabadda wareegta sanadkii 2011kii. Waxa ku xigi doona qayb lagu falanqayn doono halka uu marayo ololihii loogu jiray sidii ay maamullada gobolladu ama dawladdaha hoosaba uga hirgelin lahaayeen maktabado laga dhiso dhammaan magaalooyinka waaweyn ee dalka. hibf (hibf@hargeysabookfair.com TVSLE |
|
published on Saturday, 30 June 2012 |
Headlines