Xildhibaano Ka Tirsan Guurtida Iyo Wakiilada Oo Ka Soo Jeeda Gobolka
Xildhibaano uu ka mid yahiin xildhibaan Cali Sheekh Ibraahim Aareeye, Maxamuud Xirsi, Xildhibaan Jirde Daahir Maxamuud oo ka tirsan Golaha Guurtida iyo wakiilada ayaa shir jaraa’id oo ay maanta ku qabteen magaalada Hargeysa ayaa sheegay inay abaar ba’ani ku habsatay deegaanada Salal, taasi oo saamayn ku yeelatay dad iyo duunyabba.
mudanayaashan oo qaar booqasho ku tageen gobolada galbeedka gaar ahaan gobolka Salal ayaa ka waramay xaaladda abaareed ee ka jirta goblkaasi , Xildhibaan Daahir Jirde oo ka hadlaya xaaladda gobolkaasi ayaa yidhi : “Waxaan leeyahay dhammaan deegaamada gobolka Salal oo dhan abaartu waa mid saamaysay, waxaanu ku baaqaynaa dadkaasi abaartu hayso in loo sameeyo gurmad caalamiya, mid qaran iyo mid qurbo- joogba in loo gurmado. Waa dad dhibaataysan ee waxaan u soo jeedinaynaynaa in dadkaasi loo gargaaro, “Dhibaatadii abaartu way sii xoogaysatay oo xataa dhimasho ayaa imika la soo sheegayaa markaa waxaan Ganacsatada, dadweynaha iyo qurbo jooga Somaliland u soo jeedinaynaa inay dadkaasi u gurmadaan.”.
Hargeysa (tvlse) Xildhibaan Cali Sheekh Ibraahim Aareeye oo ka tirsan golaha wakiilada oo isna shirkan jaraa'id ka hadlay ayaa waxa hadalkiisa ka mid ahaa isaga oo sheegay in ay dadka deegaankaasi aad u soo dhaweeyeen baaq uu dhawaan madaxweynuhu u diray umadda Somalilanjd oo uu ugu sheegayey baaxadda abaarhaasi ay leeyihiin taas oo uu kaga codsaday in gurmad lala gaadho dadkaasi "“Waxaan Madaxweynaha ugu hambalyaynaynaa baaqii uu ka soo saaray abaaraha gobolka Salal. Waxaanu hambalyo u soo jeedinaynaa mahad naq cid kasta oo taakulo ka geysatay abaartan. Lama qarin taageeradii ay ka geysteen dadkii Jabuuti ka yimid waana u mahad celinayaa Somaliland iyo cid kasta oo taakulo ka geysataba,”. waxa kale oo ay xildhiaanadani dhaliilo u soo jeediyeen xukuumadda cabashooyin ay sheegeen in aanay lasiin saamigii ay gobol ahaan halilahaayeen, iyo mucaawanaad ay sheegeen in aan la soo gaadhsiinin .
shirkan jaraa'id ayaa ay xildhibaanada waxa kale oo ay umadda reer Somaliland iyo ciddii wax tar ka gaysankarta ba ugu baaqeen in ay gurmad deg-dega la gaadhaan dadka ku tabaaloobay abaaraha gobolada galbeeka Somaliland .