Qalabkii Lagu Dhisaayey Dhabadda Ay Diyaaraduha Ka Haadaan Ee Mada
Hargeysa (tvsle)-Qalabkii lagu dayac-tiraayey dhabadda ay diyaaraduhu ka haadaan kana soo dagaan ee madaarka Hargeysa ayaa maanta soo gaadhay madaarka caasimadda ka dib markii laga soo qaaday dekadda Berbera.
Qalabkan oo muddo a sugaayey ka dibmarkii madaxweynuhu dhagaxdhigay dib u habaynta iyo ballaadhintan lagu samaynaayo Railway-ga ayaa maanta si rasmi ah u soo gaadhay madaarka .
Agaasimaha Baratikoolka ee wasaaradda duuslita iyo hawada Cabdilaahi Caarshe oo ka hadlay qalbkan maanta madarka soo gadhay waxa hadalkiisa ka mid ahaa “ waxaa maanta noo farxad ah in qalabkii madaarka lagu dayactiraayey si toosa ah noo soo gaadho, waxay hawshu u u bilaabmaysaa si dhakhso ah “.
Waxa kale oo halkaas ka hadlay maamulaha shirkadda dayactiraysa madaarka isga oo faah-faahin ka bixinaayey qalabkan waxaan hadalkiisa ka mid ahaa “ qalabkani maaha mid sahalan waa mid soo maray dhawr dal, qalabka rakibaadiisu waxay nagu qaadaynaysaa muddo aan badnayn ,shaqaduna markaasay si toosa u bilaabmaysaa, waxii intaas dheer dib ayaan idin kula socodsiinaynaa “.
Waxa kale iyaduna halkaas ka hadashay Eng ka tirsan shirkadda madaarka dib u habaynta ku samaynaysa waxaana hadalkeeda ka mid ahaa “qalabkii aanu inta badan sugaynay maanta ayuu na soo gaadhay , waana qalab aad ugu muhiim ah samaynta Railway-ga , waxaanu filaynaa in ay shaqadu si deg-dega noogu bilaabmato “.